Հայաստանի անտառային դաշինք
Հայաստանի անտառային դաշինքը կազմակերպությունների կոալիցիա է, որի նպատակն է նպաստել Հայաստանում անտառային լանդշաֆտների վերականգնմանը և ագրոանտառային տնտեսության կայուն զարգացմանը։
Հիմնադրված լինելով 2022 թվականին՝ դաշինքը հանդես է գալիս անտառների պաշտպանության, վերականգնման և անտառապատման օգտին՝ ծառայելով որպես միասնական հարթակ հանրային քաղաքականություն մշակողների հետ երկխոսության համար։ Դաշինքը խթանում է նաև համագործակցությունը հիմնական շահագրգիռ կողմերի միջև, ներառյալ պետական նախարարությունները, ՀԿ-ները, գիտական հաստատությունները և միջազգային կազմակերպությունները։
Անտառային դաշինքը ներկայումս բաղկացած է հետևյալ չորս կազմակերպություններից՝
- «ԷՅ ԹԻ ՓԻ» բարեգործական հիմնադրամը իրականացնում է Հայաստանում անտառների և բնական էկոհամակարգերի վերականգնմանն ու շրջակա միջավայրի կայունության խթանմանը ուղղված ծրագրեր՝ կենտրոնանալով անտառների վերականգնման և անտառապատման, արոտավայրերի և բնական միջավայրերի վերականգնման վրա, ինչպես նաև տեղական համայնքների ներգրավման վրա բնապահպանական պահպանության գործընթացներում։
- Վայրի բնության և մշակութային արժեքների պահպանման հիմնադրամը (FPWC) իրականացնում է Հայաստանում վայրի բնության և մշակութային ժառանգության պահպանությանը ուղղված ծրագրեր՝ կենտրոնանալով վտանգված տեսակների պաշտպանության, բնական լանդշաֆտների պահպանության և կայուն զարգացման պրակտիկաների խթանման վրա։
- «Իմ անտառ Հայաստան» կազմակերպությունը իրականացնում է Հայաստանում անտառային էկոհամակարգերի վերականգնման և պաշտպանությանն ուղղված ծրագրեր՝ ներառյալ անտառների վերականգնման նախագծեր, անտառային կայուն կառավարման նախաձեռնություններ և շրջակա միջավայրի իրազեկման միջոցառումներ՝ անտառահատումների և կենսամիջավայրերի կորստի դեմ պայքարելու նպատակով։
«Շեն» բարեգործական կազմակերպությունը իրականացնում է Հայաստանի ողջ տարածքում համայնքային զարգացման և շրջակա միջավայրի պաշտպանությանն ուղղված ծրագրեր՝ կենտրոնանալով գյուղատնտեսության, ջրային ռեսուրսների կառավարման, անտառապատման և բնապահպանական կրթության ոլորտներում կայուն պրակտիկաների խթանման, ինչպես նաև տեղական ենթակառուցվածքների բարելավման վրա՝ գյուղական բնակչության կենսամակարդակի և էկոլոգիական կայունության բարձրացման նպատակով։
WSL Թիմ
WSL FORACCA թիմը ընդգրկում է տարբեր հետազոտական խմբեր և ստորաբաժանումներ և ներառում է փորձագետներ շրջակա միջավայրի կառավարման, կլիմայական ազդեցությունների և կլիմայական դաունսկեյլինգի, անտառային ռեսուրսների և կառավարման, ինչպես նաև լանդշաֆտային դինամիկայի և հեռազննման ոլորտներում։ WSL FORACCA թիմի անդամներն են՝
Նախագծի ղեկավար և համակարգում
PD. Dr. Marco Pütz - WSL նախագծի ղեկավար
Dr. Dominik Braunschweiger - WSL նախագծի համակարգող
Կլիմայական ազդեցություններ և կլիմայի մանրամասն գնահատում
Անտառային ռեսուրսներ և կառավարում
Լանդշաֆտային դինամիկա և հեռազննություն
«Պլանվալ» ընկերությունը իրականացնում է կայուն և նորարարական զարգացմանն ուղղված ծրագրեր և գործընթացներ՝ ներառյալ քաղաքականության և ռազմավարության մշակում, ցանցերի ձևավորում և գիտելիքների կառավարում, կայուն տնտեսության խթանում, ինչպես նաև տարածաշրջանային և համայնքային զարգացում՝ առանձնահատուկ ուշադրություն դարձնելով գյուղական և լեռնային տարածքներին։
Zoï Environment Network /Զոի շրջակա միջավայրի ցանց
Zoï Environment Network-ը Ժնևում գործող ոչ առևտրային կազմակերպություն է, որը իրականացնում է շրջակա միջավայրի խնդիրների վերլուծության և հաղորդակցությանն ուղղված գործունեություն։ Կազմակերպությունն ունի շուրջ 15 հոգանոց մասնագիտական թիմ, որը միավորում է վերլուծաբանների, հաղորդակցության մասնագետների, խորհրդատուների, ֆասիլիտատորների, մարզիչների և գիտելիքի միջնորդների փորձառությունը։ Zoï-ն համագործակցում է գործընկերների հետ ամբողջ աշխարհում և ձևավորել է տեղական ցանցեր Կենտրոնական Ասիայում, Արևելյան Եվրոպայում, Բալկաններում և Մերձավոր Արևելքում :
MeteoSwiss - Շվեյցարիայի ֆեդերալ օդերևութաբանության և կլիմատոլոգիայի դաշնային վարչություն
MeteoSwiss-ը, գրեթե 160 տարի է, ինչ կարևոր դեր է խաղում Շվեյցարիայի անվտանգության և բարգավաճման գործում։ MeteoSwiss-ը իրականացնում է մետեորոլոգիայի և կլիմատոլոգիայի մասին դաշնային օրենքով սահմանված գործունեությունը։ MeteoSwiss-ը շահագործում է ազգային մակերևութային և ռադարային չափման ցանցը, հավաքում, կառավարում և վերլուծում է եղանակի և կլիմայի տվյալները։ Բացի այդ, MeteoSwiss-ը իրականացնում է եղանակային և կլիմայական կանխատեսումների մշակում, հրապարակում է տեղեկատվություն, նախազգուշացումներ և խորհրդատվություններ, ինչպես նաև զբաղվում է անհատականացված արտադրանքների և ծառայությունների հետազոտությամբ և մշակմամբ։
Հայաստանի աղետների ռիսկի նվազեցման ազգային հարթակը
հիմնադրվել է 2010 թվականին Հայաստանի Հանրապետության կառավարության կողմից որպես հիմնադրամ` նպատակ ունենալով ձևավորել բազմասեկտորային և բազմամասնագիտական մեխանիզմ աղետների ռիսկի նվազեցման և դիմադրողականության բարձրացման համար՝ ներգրավելով բոլոր համապատասխան շահագրգիռ կողմերին։ Հարթակը հանդիսանում է հիմնական համակարգող և երկխոսության հարթակ՝ միավորելու պետական, մասնավոր, քաղաքացիական և միջազգային դերակատարներին աղետների ռիսկի նվազեցման և կարողությունների զարգացմանն առնչվող առանցքային հարցերի շուրջ։